உலகின் மிகவும் ஆழமான நன்நீர் ஏரியான தெற்கு சைபீரியாவில் உள்ள பைக்கால் ஏரியின் அடிப்பாகத்தை இரண்டு சிறிய நீர் முழ்கிக் கப்பலில் சென்ற ரஷ்ய விஞ்ஞானிகள் எட்டி விட்டதாக இந்த முயற்சியின் ஏற்பாட்டாளர்கள் தெரிவிக்கின்றனர்.
ஏரியின் அடிப்பாகத்தை அடைய நீர்முழ்கிக் கப்பல்கள் தரையில் இருந்து ஆயிரத்து எழுநூறு மீட்டர் தூரம் முழ்கிச் சென்றன. இந்த தூரம் முன்பு கணிக்கப்பட்டதை விட அதிகமானது.
ஆனால் இது குறித்து சுயாதீனமாக உறுதிசெய்யப்படவில்லை.
புவிப்பந்து வெப்பமடைவது குறித்து ஆவணப்படுத்துவதற்காக
புவிப்படிமானம் மற்றும் உயிரியில் ரீதியான பலவகையான சோதனைகளை மேற்கொள்ளவிருப்பதாக விஞ்ஞானிகள் கூறியுள்ளனர்.
பைக்கால் ஏரியில் இங்கு மட்டுமே காணப்படும் நூற்றுக்கணக்கான நீர் வாழ் உயிரினங்கள் உள்ளன என்பது குறிப்பிடத்தக்கது.
No comments:
Post a Comment