வன்னிக்கான தொலைபேசி சேவைமட்டும் இதுவரை தடை விதிக்கப்படவில்லை - பல தமிழ் ஒட்டுக்குழுவினரும் அரசாங்கத்தால் சுதந்திரமாக ஒட்டுகேட்கப்படுகிறது

புலிகளின் கட்டுப்பாட்டுபகுதியில் உள்ள மக்களுக்கான அனைத்து மனிதாபிமான செயற்பாடுகளும் அரசாங்கத்தால் தடைவிதிக்கப்பட்டு மிகவும் நெருக்குவாரத்துக்குள் மக்கள் அன்றாடம் சீவிப்பதாக அங்கிருந்து கிடைக்கும் செய்திகள் தெரிவிக்கின்றன.

எது எப்படியிருந்த போதும் கடந்த 2 வருடமாக கிளிநொச்சி, முல்லைதீவு ஆகிய பகுதிகளுக்கு வழங்கி வந்த சிறீலங்கா டெலிகொம்மின் தொலைபேசி சேவைக்கு அரசாங்கம் எதுவித தடைகளையும் விதிக்கவில்லை.

இது தொடர்பில் தெரியவருவதாவது வன்னியில் இருந்து வெளியிடங்களுக்கும், வன்னி இனைப்புக்கும் வரும் அனைத்து தொடர்பாடல்களும் சிறீலங்கா புலனாய்வுதிணைக்களத்தின் ஒட்டுக்கேட்கும் பிரிவால் மிகதுல்லியமாக ஒட்டுக்கேட்கப்படுவதாகவும், புலிகளின் உரையாடல்கள் மட்டும் அல்லாமல் பொதுமக்களின் உரையாடல்களும் கேட்கப்பட்டு புலிகளின் பகுதியில் நடப்பவைகள் அறியப்படுவதாக தெரியவருகிறது.


எனினும் புலிகள் தமதுபாதுகாப்பான உரையாடல்களூக்காக செய்மதிதொலைபேசி பரிவர்த்தனைகளாயே மேற்கொண்டுவருவதாக பாதுகாப்புதரப்பினர் தெரிவிக்கின்றனர். மிக அண்மைக்காலத்தில் யாழ், மன்னார், வவுனியா பகுதிக்கான சீடிஎம்.ஏ,லங்காபெல் தொலைபேசி செயற்பாட்டினை அரசபாதுகாப்புதரப்பினர் செயலிழ்க்கச்செய்துள்ளனர்.

இது அரச கட்டுப்பாட்டுபகுதியிலிருந்து புலிகளுக்கு தகவல் சென்று அடைவதை கட்டுப்படுத்தவென காரணம் சொல்லப்படுகிறது .இச்சுதந்திர ஓட்டுகேட்பதற்காக பல தமிழ் ஒட்டுக்குழுவினரும் அரசாங்கத்தால் ஈடுபடுத்தப்பட்டுள்ளனர்.