நடிகர் சத்யராஜ் உருவ பொம்மை எரிப்பு ரஜினி ரசிகர்கள் 12 பேர் கைது

ஒகேனக்கல் குடிநீர் திட்டத்துக்காக சென்னையில் நடிகர்-நடிகைகள் நடத்திய உண்ணாவிரத போராட்டத்தின் போது நடிகர் சத்யராஜ் பேசும்போது, தமிழ்நாட்டில் முருகன் போன்ற கடவுள் இருக்கும் போது ஏன் வடநாட்டை சேர்ந்த ராகவேந்திரரை வணங்க வேண்டும் என்று பேசினார். அந்த பேச்சுக்கு கண்டனம் தெரிவித்து அருப்புக்கோட்டை ரஜினிகாந்த் ரசிகர்கள் பந்தல்குடி ரோட்டில் ஒன்று திரண்டனர். அப்போது சத்யராஜை கண்டித்து கோஷம் போட்டனர்.

பின்னர் சத்யராஜ், எடிïரப்பா, வாட்டாள் நாகராஜ் ஆகியோரின் உருவபொம்மைகளை தீ வைத்து கொழுத்தினர். தகவல் அறிந்ததும் அருப்புக்கோட்டை போலீசார் விரைந்து சென்று ரஜினிகாந்த் ரசிகர்கள் 12 பேரை கைது செய்தனர்.

இதேபோல சத்யராஜை கண்டித்து மானாமதுரை பகுதியில் ரஜினி ரசிகர்கள் கண்டன சுவரொட்டி ஒட்டியுள்ளனர்.