ஜே.வி.பி. ஓர் புலி ஆதரவு குழுவாக மாறி வருகிறது – விமல் வீரவன்ச

ஜே.வி.பி. ஓர் தமிழீழ விடுதலைப் புலி ஆதரவு குழுவாக மாறி வருகிறதென ஜே.என்.பி.யின் தலைவர் விமல் வீரவன்ச தெரிவித்துள்ளார்.

ஜே.என்.பி.யின் முதலாவது தேசிய மாநாட்டில் நேற்று கலந்து கொண்டு உரையாற்றிய போது அவர் இந்தக் கருத்துக்களைத் தெரிவித்துள்ளார்.

ஜே.வி.பி. தவறான வழியில் செல்வதனால் ஜே.என்.பி; கட்சியை ஆரம்பிக்க நேரிட்டதாக அவர் சுட்டிக்காட்டியுள்ளார்.

ஜே.வி.பி. தற்போது பழமைவாதிகளின் கட்சியாக மாற்றமடைந்துள்ளதாகவும், ஸ்ரீலங்கா சுதந்திரக் கட்சியும் அதே நிலையை அடைந்துள்ளதாக அவர் குறிப்பிட்டுள்ளார்.

ஸ்ரீலங்கா சுதந்திரக் கட்சிக்கு பதிலாக இன்று ராஜபக்ஷவே இருப்பதாக அவர் சுடு;டிக்காட்டியுள்ளார்.

ஜே.வி.பிக்கு பலத்த சவாலாக ஜே.என்.பி திகழ்வதாகவும், ஜே.என்.பிக்கு ஜே.வி.பி ஓர் பொருட்டல்ல என அவர் குறிப்பிட்டுள்ளார்.

ஆறு தசாப்தங்களாக பெற்றுக் கொள்ள முடியாதுள்ள சுதந்திரத்தை ஜே.என்.பி இந்த நாட்டு மக்களுக்கு பெற்றுக் கொடுக்கும் என அவர் குறிப்பிட்டுள்ளார்.