மட்டக்களப்பு ஏறாவூர் மூன்றாம் குறிச்சியில் நேற்று இரவு 8.15 அளவில் ஐந்து முஸ்லிம்கள் கடத்திச் செல்லப்பட்டுள்ளனர். மீனவ சங்கத் தலைவரான சமது, மற்றும் ஒரு ஆசிரியர் உட்பட்ட ஐந்துபேரே கடத்தப்பட்டவர்கள் என தெரிவிக்கப்பட்டுள்ளது.
ஏறாவூர் பிரதேசத்தில் மின்சார விநியோகம் துண்டிக்கப்பட்டிருந்த வேளையில் இந்தக் கடத்தல் இடம்பெற்றுள்ளது. வெள்ளைவானில் வந்த இராணுவ உடை அணிந்திருந்தவர்களே இவர்களைக் கடத்திச்சென்றதாக நேரில் கண்டோர் தெரிவித்துள்ளனர்.
இதனையடுத்து ஏறாவூரில் பதற்றநிலை ஏற்பட்டுள்ளது. இந்தச் சம்பவத்திற்கு அரசியல் பின்னணி காரணமாக இருக்கலாம் என்ற சந்தேகம் எழுப்பப்பட்டுள்ளது. கடத்திச்செல்லப்பட்டவர்கள் ஸ்ரீலங்கா முஸ்லிம் காங்கிரஸின் ஆதரவாளர்கள் எனத் தெரிவிக்கப்பட்டுள்ளது.
No comments:
Post a Comment