எந்தப் பல்கலைக்கழகத்துக்கு தெரிவு? இணையத்தளத்தில் பார்வையிடலாம்

2007/2008 புதிய பல்கலைக்கழக கல்வியாண்டுக்கு தெரிவு செய்யப்பட்ட மாணவர்கள் எந்தப் பல்கலைக்கழகத்துக்கு தெரிவு செய்யப்பட்டுள்ளனர் என்பது பற்றிய விபரம் அடுத்த வாரம் வெளியிடப்படவுள்ளது.

புதிய கல்வியாண்டுக்கான வெட்டுப் புள்ளிகள் கடந்த புதன்கிழமை பல்கலைக்கழக மானியங்கள் ஆணைக்குழுவினால் வெளியிடப்பட்டிருந்தது.

ஆணைக்குழுவானது தற்போது பல்கலைக் கழகங்களுக்குத் தெரிவு செய்யப்பட்ட மாணவர் பற்றிய விபரம், பல்கலைக்கழகங்களுக்கு அனுமதிக்கப்படும் மாணவர் எண்ணிக்கை உள்ளிட்ட விடயங்களை தயாரித்து வருகின்றது.

இதேவேளை, இவ்விபரங்களை மிகக் கூடிய விரைவில் வெளியிடத் தீர்மானித்துள்ளதாக தெரிவித்த பல்கலைக்கழக மானியங்கள் ஆணைக்குழுவின் தலைவர் காமினி சமரநாயக்க இவ்வார இறுதியில் அல்லது அடுத்தவார ஆரம்பத்தில்

http://www.doenets.lk/என்ற இணையத் தளத்தில் இவற்றைப் பார்வையிட முடியுமெனவும் குறிப்பிட்டார்.