அம்பாறை வேப்பேரிக்குளம் பகுதியில் விடுதலைப்புலிகளின் அமுக்கவெடியில் சிறிலங்கா விசேட அதிரடிப்படையினரின் பவல் கவச வாகனம் சிக்கியதில் அதிலிருந்த இரண்டு படையினர் கொல்லப்பட்டனர்.
ஒருவர் படுகாயமடைந்து ஆபத்தான நிலையில் வைத்தியசாலையில் சிகிச்சை பெற்றுவருகிறார்.
அம்பாறை வேப்பேரிக்குளம் பகுதியில் நேற்றுமுன்தினம் புதன்கிழமை மாலை விடுதலைப்புலிகளின் அமுக்கவெடியில் சிறிலங்கா விசேட அதிரடிப்படையினரின் பவல் கவச வாகனம் சிக்கியதால் அதில் பயணம் செய்த மூவர் படுகாயமடைந்தனர்.
அன்று காலையிலேயே படையினரின் வரவை எதிர்பார்த்து புலிகள் பொருத்திய இந்த அமுக்கவெடியில், மாலை அப்பகுதியால் வந்த பவல் கவச வாகனம் சிக்கியது.
தாக்குதலில் சேதமடைந்த வாகனத்தை பின்னர், சிறிலங்கா விசேட அதிரடிப்படையின் சாகமாம் படைமுகாமிலிருந்து வந்த இன்னொரு பவல் கவச வாகனம் இழுத்துச்சென்றது. காயமடைந்த மூன்று படையினரும் வைத்தியசாலையில் சேர்க்கப்பட்டனர்.
இவ்வாறு வைத்தியசாலையில் சேர்க்கப்பட்ட படையினரில் இருவர் பின்னர் உயிரிழந்தனர். இன்னொருவர் ஆபத்தான நிலையில் இன்னும் தீவிர சிகிச்சை பெற்றுவருகிறார்.
No comments:
Post a Comment