தலைவர்கள் வீழ்ச்சி அடைந்தாலும் புலிகள் இயக்கம் வீழ்ச்சி அடையாது - தம்பியண்ணா

தமிழக மக்களை நாம் சகோதரர்களாவே கருதுகிறோம். நான் கைதானதால் புலிகள் இயக்கத்திற்கு எவ்விதப் பாதிப்பபும் இல்லை.

எமது இயக்கத்தில் தலைவர்கள் வீழ்ந்தாலும் ஒருபோதும் இயக்கம் வீழ்ச்சியடையாது என கடந்த புதன் கிழமை சென்னை வளசரவாக்கதில் கைதான புலிகள் இயக்க உறுப்பினர் என சந்தேகப்படும் டானியல் தெரிவித்துள்ளார்.

தம்பிஅண்ணா எனப்படும் டானியல் (வயது 40) குறித்து பொலிஸாருக்கு கிடைத்த இரகசிய தகவலையடுத்து மேற்கொள்ளப்பட்ட அதிரடி சோதனையை தொடர்ந்தே இவரது வீட்டில் வைத்து கைதுசெய்யபட்டார்.

தொடர்ந்து பொலிஸார் அவரை இரகசிய இடத்தில் வைத்து விசாரணை நடத்திய போதே மேற்கண்டவாறு தெரிவித்தார். மேலும் :

இராமேஸ்வரத்திலிருந்து பொருட்களை கடத்தி வருவதை நாம் வாடிக்ககையாக கொண்டுள்ளோம். தற்போது பொலிஸ் கெடுபிடியால் இராமேஸ்வரத்திலிருந்து பொருட்களை கடத்துவது சிரமமாக உள்ளது.

இதனால் வேறிடத்தில் இருந்து கடத்த முடிவு செய்தோம். இதற்கான புதிய வியூகம் அமைப்பதற்கு நான் மட்டும் தனியாகவே படகு மூலம் ஜூலை முதலாம் திகதியன்று தமிழகத்திற்கு வந்தேன்.

தொடர்ந்து சென்னiயில் வளசரவாக்கத்தில் நண்பர் ஒருவருடன் தங்கியிருந்தேன்.

பொருட்களை கடத்துவதற்கு வசதியான இடத்தை தெரிவு செய்வதற்கு தஞ்சாவூர், புதுக்கோட்டை மாவட்டம் கடற்கரை பகுதியான அதிராம்பட்டினம், மல்லிப்பட்டினம், தேவிப்பட்டினம், கோட்டை பட்டினம் ஆகிய பகுதிகளை சென்று பார்வையிட்டேன்.

தமிகத்தில் கோடியாக்கரை பகுதியில் இருந்து இயந்திரப் படகு மூலம் ஒரு மணி நேரத்திற்குள் இலங்கைக்கு சென்றுவிடலாம். எனவே அங்கிருந்து பொருட்கைள படகு மூலம் கடத்தலாமா என்பது பற்றி ஆலோசனை நடத்தினோம். அந்த விஷயத்தில் இன்னும் முடிவு செய்யவில்லை. அதற்குள் பொலிஸார் பிடித்துவிட்டனர்.

நான் புலிகள் இயக்கத்தின் கடற்புலிகள் பிரிவில் சாதாரண போர் வீரனாக முதலில் பணியாற்றினேன். அப்போது இலங்கை கடற்படையினரோடு நேரடியாக பலமுறை மோதல்களில் ஈடுபட்டேன்.

புலிகள் இயக்கத்தில் கடும் கட்டுப்பாடுகள் இருந்தாலும் மனைவி, குழந்தைகளோடு தனியாக குடும்பம் நடத்தி கொள்ளலாம். மத நம்பிக்கை வைப்பதிலும் தடையில்லை. குழந்தைகளை படிக்க வைப்பது முதல், குடும்பம் நடத்துவதற்கான அனைத்து செலவுகளையும் புலிகள் இயக்கம் ஏற்றுக் கொள்ளும்.

எனது மனைவியின் பெயர் ஸ்ரீதேவி, எனக்கு 10 வயதில் ஒரு மகளும், 8 வயதில் ஒரு மகனும், 6 வயதில் இன்னோரு மகனும் உள்ளனர்.

கிறிதஸ்தவ மதத்தில் மிகுந்த ஈடுபாடு உள்ள நான், தமிழகத்திற்கு வரும்போது வேளாங்கண்ணி மாதா கோவிலுக்கு செல்ல முடிவு செய்திருந்தேன். அதை ஒரு வேண்டுதலாகவும் வைத்திருந்தேன்.

நாம் தமிழக மக்களை எமது சகோதரர்களாகவே கருதுகிறோம். நான் பிடிபட்டதால் புலிகள் இயக்கத்துக்கு எந்த பின்னடைவும் இல்லை. என்னுடைய இடத்தில் இப்போது வேறோருவர் நியமிக்கப்பட்டிருபார்.

எனவே, விடுதலைப்புலிகள் இயக்கம் தலைவர்கள் வீழ்ச்சி அடைந்தாலும், இயக்கம் ஒரு போதும் வீழ்ச்சியடையாது.

இவ்வாறு தம்பி அண்ணா தனது வாக்குமூலத்தில் கூறியுள்ளார்.

இதனைத் தொடார்ந்து இவர் நீதிமன்றில் அஜர்ப்படுத்தப்பட்டதையடுத்த
தற்போது 15 நாள் நீதிமன்ற காவலில் சென்னை புழல் மத்திய சிறையில் தடுத்து வைக்கப்பட்டுள்ளார்.

இவரை பொலிஸ் காவலில் எடுத்து விசாரிக்க திட்ட.மிட்டுள்ளனர். அப்போது அவரிடமிருந்து மேலும் திடுக்கிடும் தகவல்களை பெறலாம் என கியூ பிரிவு பொலிஸார் தெரிவித்துள்ளனர்.

நன்றி : வீரகேசரி.