மட்டக்களப்பு மாவட்டம் சின்ன ஊரணியில் இன்று அதிகாலை 2 தமிழ் மீனவர்கள் வெட்டிக்கொலை செய்யப்பட்டதையடுத்து அப்பகுதியில் பதற்றம் நிலவுகின்றது.
ஊரணி காந்தி கிராமத்தைச் சேர்ந்த நான்கு பிள்ளைகளின் தந்தையான இ.உப்பிலாமணி (வயது 38), அதே கிராமத்தைச் சேர்ந்த மூன்று பிள்ளைகளின் தந்தையான கணபதி விவேகானந்தன் (வயது 30) ஆகிய இருவருமே வெட்டிக்கொலை செய்யப்பட்டுள்ளனர்.
இப் படுகொலைச் சம்பவம் இன்று புதன்கிழமை அதிகாலை 2:00 மணியளவில் இடம்பெற்றிருக்கலாம் எனச் சந்தேகிப்பதாக மட்டக்களப்பு காவல்துறையினர் தெரிவித்துள்ளனர்.
ஊரணியில் உள்ள ஆறு ஒன்றில் மீன் பிடிப்பதற்காக நேற்று மாலை சென்ற இவர்கள் மீண்டும் வீடு திரும்பவில்லை என்றும் அதனையடுத்து இவர்களைத் தேடியபோதே வெட்டிக்கொலை செய்யப்பட்ட சம்பவம் தெரியவந்ததாக இவர்களது குடும்பத்தினர் தெரிவித்துள்ளனர்.
தனிப்பட்ட பகையே இக் கொலைக்கு காரணமாக இருக்கலாம் என தாம் சந்தேகிப்பதாக மட்டக்களப்பு காவல்துறையினர் தெரிவித்துள்ளனர்.
puthinam.com
No comments:
Post a Comment