அனுராதபுரம் - ஹோமாகமப் பகுதிகளில் இருவர் கொலை

அனுராதபுரம் தொடரூந்து நிலையத்திற்கு அருகில் சடலம் ஒன்று மீட்க்கப்பட்டுள்ளதாக அனுராதபுரம் காவற்துறையினர் தெரிவித்துள்ளனர்.


கிடைக்கபெற்ற தகவல் ஒன்றின் அடிப்படையில் இந்த சடலத்தை இன்று முற்பகல் 10. 30 அளவில் மீட்டதாகவும் சடலத்திக்குரியவர் 50 வயது மதிக்கத்தவர் எனவும் காவற்துறையினர் கூறியுள்ளனர்.


எனினும் சடலம் அடையாளம் காணபடா நிலையில் அனுராதபுரம் வைத்தியசாலையில் பிரேத அறையில் வைக்கப்பட்டுள்ளது. இதேவேளை கொழும்பின் புறநகர் பகுதியான ஹோமாகம பட்டிபின பிரதேசத்தில் இன்று ஒருவர் சுட்டுக் கொல்லப்பட்டுள்ளார்.


இந்த துப்பாக்கிச் சூட்டுச் சம்பவம் இன்று பகல் 1.10 அளவில் இடம்பெற்றுள்ளதாக காவற்துறை பேச்சாளர் ரஞ்சித் குணசேகர குறிப்பிட்டுள்ளார்.

மோட்டார் சைக்கிளில் சென்ற இருவர் இந்த துப்பாக்கி பிரயோகத்தை மேற்கொண்டு விட்டுத் தப்பிச் சென்றுள்ளனர். பட்டிபின பிரதேசத்தின் விடுதி உரிமையாளர் ஒருவரே இவ்வாறு சுடடுக்கொல்லப்பட்டுள்ளார்.