அகதிகளை ஏற்றிவந்த 3 படகோட்டிகள் கைது

ராமேசுவரம், மே 11: இலங்கையில் இருந்து 9 அகதிகளை ஏற்றிவந்த, பைபர் படகை, போலீஸôர் ஞாயிற்றுக்கிழமை பறிமுதல் செய்து, அதில் இருந்த, 3 படகோட்டிகளை கைது செய்துள்ளனர்.

இதுபற்றிய விவரம்:

மன்னார் முள்ளிக்குளம் பகுதியில் இருந்து, 4 குடும்பங்களைச் சேர்ந்த 4 ஆண்கள், 3 பெண்கள், 2 குழந்தைகள் ஆகிய 9 பேர், பைபர் படகில் கட்டணமாக தலா ரூ. 8 ஆயிரம் கொடுத்து, மன்னார் கடற்கரையில் இருந்து புறப்பட்டு, ஒலைக்குடா அருகில் உள்ள, சங்குமால் கடற்கரைப் பகுதிக்கு வந்தனர். அவர்களை இறக்கிவிட்ட நிலையில், பைபர் படகு இயங்காமல் நிறுத்தப்பட்டிருந்தது. அப்போது, அவ்வழியே ரோந்து சென்ற போலீஸôர் படகை கைப்பற்றினர்.

இதையடுத்து, மன்னார் பகுதியைச் சேர்ந்த படகோட்டிகள் பரமேஸ்வரன் (33), பிரசன்னா (22), மயூரன் (21) ஆகிய 3 பேரையும், பாஸ்போர்ட் சட்டத்தின்கீழ் கைது செய்தனர். பின்னர், 9 அகதிகளும் தீவிர விசாரணைக்குப் பின் மண்டபம் முகாமுக்கு அனுப்பி வைக்கப்பட்டனர்