அக்கரைப்பற்றில் இரு குடும்பஸ்தர்கள் கடத்தல்.

அம்பாறை அக்கரைப்பற்று பிரதேசத்தில் குடும்பஸ்தர்கள் இருவர் கடத்தப்பட்டுள்ளதாக உறவினர்கள் முறைப்பாடு செய்துள்ளனர்.

கோளாவில் பிரதேசத்தைச் சேர்ந்த சுப்பிரமணியம் வரதன் மற்றும் வேல்முருகு ரகுகுமார் ஆகியோரே கடத்தப்பட்டுள்ளனர்.

25வயதான சுப்பிரமணியம் வரதன் என்பவரை நேற்று முன்தினமிரவு 8.30அளவில் அவரது வீட்டுக்கு டொல்பின் ரக வேனில் சென்றவர்கள் விசாரணைக்காக அழைத்துச் சென்றதாகவும், இன்றுவரை இவர் பற்றிய தகவல்கள் கிடைக்கவில்லையென்றும் உறவினர்கள் தெரிவித்துள்ளனர்.

இதேவேளை 27வயதான வேல்முருகு ரகுகுமார் என்பவர் கடந்த திங்கட்கிழமை காலை 6.20க்கு தனது வீட்டிலிருந்து மேசன் வேலைக்கு சென்று கொண்டிருந்தபோது வெள்ளைவேனில் வந்தவர்களால் அழைத்துச் செல்லப்பட்டுள்ளார் என்றும் அவரது உறவினர்கள் தெரிவித்துள்ளனர்.
Thank you:nitharsanam