கொழும்பு கிரான்பாஸ் வீதியில் இருவர் கொலை

கொழும்பு கிராண்ட்பாஸ் ஸ்டேஸ் வீதியில் நேற்றிரவு இரண்டு பேர் படுகொலை செய்யப்பட்டுள்ளனர். இந்த சம்பவம் தொடர்பான விசாரணைகளை மேற்கொள்ள சிறப்பு காவல்துறை குழு ஒன்றை நியமித்துள்ளதாக கிராண்ட்பாஸ் காவல்துறையினர் தெரிவித்தனர்.

நேற்றிரவு 9.20 அளவில் 7 பேர் கொண்ட குழுவினர் இந்த கொலைகளை செய்துள்ளதாகவும் கொல்லப்பட்டவர்கள் கிராண்ட்பாஸ் பகுதியை வசிப்பிடமாக கொண்டவர்கள் எனவும் காவல்துறையினர் தெரிவித்தனர்.

அத்துடன் கொல்லப்பட்டவர்கள் பாதாள குழுவுடன் தொடர்புடையவர்கள் எனவும் அவர்கள் கூறினர்.கூரிய ஆயுதங்களினால் தாக்கி இவர்கள் கொலை செய்யப்பட்டுள்ளனர்.இந்த சம்பவம் தொடர்பாக எவரும் கைதுசெய்யப்படவில்லை எனவும் கிராண்ட்பாஸ் காவல்துறையினர் குறிப்பிட்டனர்.