தமிழக மீனவர்கள் விடுதலைக்காக காத்திருக்கும் இலங்கை மீனவர்கள்

மண்டபம் : இலங்கையில் பிடிபட்ட தமிழக மீனவர்கள் விடுதலைக்காக, தமிழகத்தில் பிடிப்பட்ட இலங்கை மீனவர்கள் காத்திருக்கின்றனர். சர்வதேச கடல் எல்லையை தாண்டி, சென்னை அருகே ஒன்பது விசைப்படகில் மீன் பிடித்த இலங்கை மீனவர்கள் 45 பேரை, இந்திய கடலோர காவல்படையினர் பிடித்து மண்டபம் கொண்டு வந்து மீன் துறை துணை இயக்குனரிடம் ஒப்படைத்தனர். அங்கு இவர்கள் போலீஸ் காவலில் உள்ளனர். இந்நிலையில், பாம்பனில் இருந்து கடந்த ஏப்.24 ல் மீன் பிடிக்க சென்ற ஐந்து மீனவர்களை இலங்கை கடற்படையினர் பிடித்து சிறையில் அடைத்துள்ளர். இவர்கள் விடுதலைசெய்யப்பட்டால்தான்,தாங்களும் விடுவிக்கப்படுவோம் என்ற நிலையில் இலங்கை மீனவர்கள் காத்திருக்கின்றனர்.