தப்பிச் சென்ற ஆயிரம் படையினரைக் கைது செய்யத் திட்டம்

முப்படையைச் சேர்ந்த ஆயிரத்துக்கும் மேற்பட்டோரைக் கைது செய்வதற்குத் திட்டமிடப்பட்டுள்ளதாகத் தெரிவிக்கப்படுகிறது.
படையிலிருந்து தப்பிச் சென்றவர்கள், விடுமுறைக்குச் சென்று திரும்பாதவர்கள் ஆகியோரே இவ்வாறு கைது செய்யப்படவுள்ளனர்.

இவ்வாறு சிறையில் அடைக்கப்படவுள்ள ஒரு தொகுதி படைவீரர்கள் தற்போது நுகேகொட இராணுவ முகாமில் தடுத்து வைக்கப்பட்டுள்ளதாகத் தெரிவிக்கப்படுகிறது.

குறித்த படைவீரர்கள் கட்டம் கட்டமாகக் கைது செய்யப்பட்டு சிறையில் அடைக்கப்படவுள்ளதாகச் சிறைச்சாலை வட்டாரத் தகவல்கள் தெரிவிக்கின்றன.