அம்பாறையில் அதிரடிப்படையினர் - ஊர்காவல்படையினர் மோதல்--இரண்டு ஊர்காவல்படையினர் காயம்

பொத்துவில் பாணமவில் அதிரடிப்படையினருக்கும் ஊர்காவல படையினர் மற்றும் அவர்களது குடும்பத்தினருக்கும் இடையில் நேற்று இரவு 7 மணியளவில் மோதல் ஏற்பட்டுள்ளது.

இந்த மோதலை அடுத்து மேற்கொள்ளப்பட்ட துப்பாக்கி பிரயோகத்தில் இரண்டு ஊர்காவல்படையினர் காயமடைந்து மொனராகலை வைத்தியசாலையில் அனுமதிக்கப்பட்டுள்ளனர்.

ஊர்காவல் படையினர் ஊதியம் பெறும் தினமான நேற்று, ஊர்காவல் படையினரிடையே ஏற்பட்ட பிரச்சினையில், விசேட அதிரடிப்படையை சேர்ந்த ஒருவர் தலையிட்டதை அடுத்து இந்த துப்பாக்கி பிரயோகம் மேற்கொள்ளப்பட்டுள்ளது.

இந்த துப்பாக்கி பிரயோகத்தை மேற்கொண்டதாக கூறப்படும் அதிரடிப்படை சிப்பாயை கைதுசெய்யுமாறு கோரி பிரதேச மக்கள் வீதியில் ரப்பர் சில்லுகளை எரியூட்டி கலகத்தில் ஈடுபட்டதாக தெரிவிக்கப்பட்டுள்ளது