விடுதலைப் புலிகளுடன் இடம்பெற்ற மோதல்களைத் தொடர்ந்து வவுனியா முன்னரங்கப் பகுதியில் பாலம்பிட்டி பாலத்தை இராணுவத்தினர் கைப்பற்றியிருப்பதாக பாதுகாப்பு அமைச்சு அறிவித்துள்ளது. 
இராணுவத்தினரின் கடுமையான ஆட்லறித் தாக்குதல்களால் விடுதலைப் புலிகளுக்கு இழப்பு ஏற்பட்டிருப்பதாகவும், ஐந்து விடுதலைப் புலிகள் கொல்லப்பட்டதுடன், பலர் காயமடைந்திருப்பதாகவும் பாதுகாப்பு அமைச்சின் இணையத்தளத்தில் குறிப்பிடப்பட்டுள்ளது.
இன்று புதன்கிழமை காலை ஏழு மணியளவில் கருங்கடல்வீதியிலுள்ள பாலம்பிட்டி பாலம் கைப்பற்றப்பட்டிருப்பதாக அந்த இணையத்தில் தெரிவிக்கப்பட்டுள்ளது. அத்துடன், இன்று அதிகாலை 5.10 மணியளவில் மன்னார் மாதோட்டம் பகுதியில் விடுதலைப் புலிகளின் பதுங்கு குழிகளை அழித்திருப்பதாக தேசிய பாதுகாப்பு ஊடக நிலையம் தெரிவித்துள்ளது.
இதேவேளை, விமானப்படையினரின் ஜெட் விமானங்கள் விடுதலைப் புலிகளின் பாலம்பிட்டி பகுதியில் நேற்றுப் பிற்பகல் தாக்குதல் நடத்தியிருந்தன. எனினும், விடுதலைப் புலிகளுக்கு ஏற்பட்டிருக்கும் இழப்புக்கள் குறித்து அவர்கள் தரப்பிலிருந்து இதுவரை எந்தத் தகவல்களும் வெளியாகவில்லை.
1 comment:
tomorrow one can hear:Due to severe fight @ palampitty,Srilankan army lost nearly 450 soldiers!
wounded more than 1200!
Post a Comment