ஐபிஎல் கிரிக்கெட் விளையாட்டில் சென்னை அணியின் நட்சத்திர தூதராக 
நியமிக்கப்பட்ட நயன்தாரா, அப்பதவியில் இருந்து நீக்கப்பட்டதால் அந்த இடத்தை குறி வைத்து ஆளாளுக்கு காய் நகர்த்திக் கொண்டிருக்கிறார்கள். தன் முயற்சியில் இருந்து சற்றும் தளராத த்ரிஷா, எப்படியாவது அதை கைப்பற்றி விட வேண்டும் என்று போராடிக் கொண்டிருக்கிறார். இது ஒருபக்கம் இருக்க, “பணமே வேண்டாம். தூதர் பதவி போதும்” என்று ஸ்ரேயாவும் களத்தில் குதித்திருக்கிறார். அதிகாரத்தை கையில் வைத்திருக்கும் முன்னணி சேனல் ஒன்றின் பி.ஆர்.ஓ மூலம் இந்த முயற்சியில் ஈடுபட்டிருக்கிறாராம் அவர்.
இவரைப்போலவே “பணம் வேண்டாம். பர்ஃபாமென்ஸ் தருகிறேன்” என்கிறார் ஆர்யா. கிரிக்கெட் ஸ்டேடியத்தில் பார்வையாளர்கள் முன்னிலையில் சண்டைக்காட்சி ஒன்றை நடத்துவதாக கூறியிருக்கிறாராம் இவர். நடிகர், நடிகைகளின் இந்த ஆர்வம் கிரிக்கெட் நிர்வாகத்தை வியக்க வைத்திருக்கிறது. ஆனாலும், இந்த ஆர்வம் கிரிக்கெட் கிரவுண்டை ஸ்டார் நைட் மேடையாக்கி விடுமோ என்றும் அஞ்சுகிறார்கள்.
-ஆர்.எஸ்.
No comments:
Post a Comment