வேப்பைமடுவிலும், வீரகெட்டியவிலும் இருவர் கொலை

புத்தளம் வேப்பமடுப் பகுதியில் ஒருவர் கொலை செய்யப்பட்டுள்ளார். இரு தரப்பினருக்கு இடையில் ஏற்பட்டிருந்த நீண்டகால பகையே இக்கொலைக்கு காரணமென்றும் தெரிவிக்கப்படுகிறது.

கொலை தொடர்பான சந்தேகநபர் அப்பிரதேசத்தை விட்டு தப்பிச் சென்றிருப்பதாகவும், அவரைக் கைது செய்ய நடவடிக்கை எடுக்கப்பட்டுள்ளதாகவும்; பொலீசார் தெரிவித்துள்ளனர்.


இதேவேளை அம்பாந்தோட்டை வீரகெட்டிய பொலீஸ் பிரிவுக்குட்பட்ட பகுதியில் ஒருவர் கழுத்து வெட்டப்பட்டு கொலை செய்யப்பட்ட சம்பவம் நேற்றுமாலை 6மணியளவில் இடம்பெற்றுள்ளது.

36வயது மதிக்கத்தக்க ஒருவரே கழுத்து வெட்டப்பட்டு கொலை செய்யப்பட்டுள்ளார். கொலைச் சந்தேகநபர் இனங்காணப் பட்டுள்ளதாகவும், அவர் அப்பிரதேசத்திலிருந்து தப்பிச் சென்றிருப்பதாகவும் பொலீசார் தெரிவித்துள்ளனர்.

இவரைக் கைது செய்ய நடவடிக்கை மேற்கொள்ளப் பட்டுள்ளதாகவும் பொலீசார் மேலும் தெரிவித்துள்ளனர்.